Un de Emmi 2021 geiht an

Acht Projekten ut ganz Sleswig-Holsteen sünd düt Johr utteken worrn. Mit vun de Partie sünd de Plietschen Plattsnacker ut Zarpen mit ehr Schoolmeistersche Tanja Schiprowski. Dat is en Kring vun ehemalige Schölers vun de Grundschool in Zarpen, de mit ehr Lehrerin Zoom-Ünnerricht maken doot. Un dat to jümehr regulären Ünnerricht noch bavento. De Leiter vun’t ZfN weer toglieks ok de Laudator vun düt Projekt. Hier kümmt sien Reed:

Leve Platt-Aktiven, Politikers un Gäst,
“De Plietschen Plattsnacker”, dat is en Kring vun ehemalige Schölers vun de Grundschool in Zarpen un ehr Plattdüütschlehrerin Tanja Schiprowski. De Dörpergemeenschapsschool is en plattdüütsche Modellschool in Noordstorman. De Kring dröppt sik regelmäßig to Zoomkunferenzen, to’n Platt lehren. Denn an ehr ni’e wiederföhren Scholen geiht dat nich, wieldat dor de Spraak nich ünnerricht warrt.
Höört sik eerstmal gor nich so besünners an, oder?
Is dat aver!
Aver de Reeg na: Toeerst to ehr Video, mit dat se sik beworven hebbt:
Mit digitalen Glitter in’t Hoor un echt-analoge Begeisterung in’t Hart vertellt se in ehr Videoclip een na de annere, worüm se bi de Plietschen Plattsnacker mitmaken doot. Un dat hett en Masse to doon mit de SchoolmeisterscheTanja Schiprowski.
Un nu dree Dele, worüm düt Projekt heel wat Besünneret is:
De eerste Punkt: Woneem annern in Corona-Tieden blots noch mit de Ogen rullen, wenn se wat vun Online-Ünnerricht höört, dor fraagt de Plietschen Plattsnackers ehr Lehrerin, wat se nich jüm wieder Plattdüütsch-lehren mag. Un dat bavento to ehr regulären Stoff. Seggt dat nich wat över den Ünnerricht? Mi dücht, dat is en Afstimmen mit de Fööt. Un en bannig lude dorto.
Punkt twee: Ji hoolt rut, wat dat Medium hergeven deit: Ji kiekt ju Videos an un besnackt de, dor warrt vörleest un Leders anhöört. Kreativität speelt en grote Rull.  Un mit wat för en Swung un Freud de Deelnehmers dorbi sünd, dat kannst du di in dat Video ankieken. Noch dörch de Mattschiev dörch spingt de Spaaß an de Saak op den Tokieker över. Mi dücht, juus Clip to’n Bewarven, leve Plietschen ut Zarpen, is ut Versehn en Reklaam-Video för den Online-Plattdüütschünnerricht överhaupt worrn!
Un denn kaamt wi to den 3. Punkt: De Idee hett dat Tüüch för en echten Trendsetter. Nich blots vunwegen Distanzünnerricht bi Corona. Dat is jo hoffentlich jichtenswenn ok mal wedder vörbi. Ik meen, veel wichtiger is, dat dat en Vörbild is. En Vörbild för Schölers an anner Modellscholen (un Scholen allgemeen), de op ehr Gemeenschapsschool oder Gymnasium keen Spraakünnerricht mehr hebbt, wieldat dat ok dor keen Plattdüütschlehrerin geven deit. To’n Spraak lehren mutt een nich Riesenstrecken fohren. Dat geiht ok mit’n Mikro un en Computer vun to Huus ut. Ok för de Tiet, wenn de Corona-Süük mal wedder vörbi is, is dat en richtiget un wichtiget Modell, vun dat sik annern goot een oder glieks en poor mehr Schieven  afsnieden künnt.Dat hölpt allens nix, wenn een dorto nich de richtige Lehrerin hett. Dat is de 4. Punkt un wohrschienlich de viglienschte Punkt. Un de heet Tanja Schiprowski, de düt Projekt in ehr Frietiet raakt – un noch so vele Saken mehr.De Soundtreck vun dat Video un en beten ok vun dat ganze Projekt, gifft bi ju den Rhythmus vör: PlattPunk vun Jack Pott, en Band ut Bad Schwartau. Inslapen kannst du woanners. Punk is not dead – he leevt in Bad Schwartau! Man dorto kaamt wi later noch. Denn de Winner vun den eersten Platz vun den Plattbeats-Wettstriet 2020 speelt nämlich noch för uns an’t Enn. Na dat dat Finale in’t verleden Johr utfallen müss, geevt se ehrn Winner-Hit hüüt dat eerste Maal live in’n Landag.
Sodeenig ehrt wi op en Oort glieks twee Priesdrägers.
Nu müch ik na vörn beden: Pia, Annuka, Frieda, Luca un Malte. Un dat Hart un de Seel vun dat Ünnernehmen: de Lehrerin Tanja Schipowski.
Dat Projekt is besünners Dat is en Trendsetter
Kinner, de Lust hebbt, op de Spraak. De Drive hebbt un Bock hebbt op de Spraak.
Un dorbi de Kanals. Snacken över
Wi hebbt all veel lehrt un en Barg Saken hebbt sik verännert. Dat is för den een un de annere vigeliensch ween.
Wi hebbt lehrt in de Twüschentiet
för de jungen is dat allens keen Problem: Jüm sünd düsse Saken in’n Schoot fullen.

 

Christiane Johannsen is ni'e Kreisfackberaderin
Hartlichen Glückwunsch - Nedderdüütsch Bökerie warrt 25
Nach oben