Carl-Heinz Dirks – Penelope / Dat Bedd

Carl-Heinz Dirks
Carl-Heinz DirksPenelope / Dat Bedd
„PLATT FÖR HÜÜT UN MORGEN“, NEDDERDÜÜTSCH AUTORENDREPEN 2022
Carl-Heinz Dirks

Penelope / Dat Bedd

Een van de ollsten Epen in de Welt is de „Odyssee“ van Homer. Daar vertellt he over de Fahrt van Odysseus, de teihn Jahr bruukt, weer na Huus to komen. Disse Geschichte namm James Joyce un mook daarvan en Romaan: „Ulysses“, waar de Held an een Dag dör Dublin löppt un de Aventüren van Odysseus nochmaal beleevt. Un ik hebb nu van de Romaan 18 Vertellsels maakt van twee-un-halv  Sieden. De leste lees ik nu vör, man eerst even kriegen ji to weten, waar dat um geiht – denn de Geschichte hett keen Punkt un Komma, ‘t löppt so dör as in Molly hör Kopp.

Info

Es ist Nacht in Dublin. Leopold Bloom hat sich zu Mollys Füßen ins Bett gelegt. Diese erwacht nur halb aus dem Schlaf, ihre Gedanken strömen frei. Der Tag mit allen seinen Eindrücken, Erlebnissen, Geräuschen spielt sich wieder in ihrem Bewusstsein ab. Wie im Traum oder Halbschlaf spielen Erinnerungen und Assoziationen in den Gedankenstrom hinein. Kindheitserinnerungen, erotische Gedanken, Erinnerungen an ihre Jugend in Gibraltar, Gedanken an die Kinder und ihren Mann Leopold, an frühere Wohnorte strömen in acht langen Sätzen ohne Punkt und Komma durch Mollys und der Leser Hirn.

Im Einschlafen denkt Molly daran, wie sie Leopold Bloom schließlich als Partner akzeptierte: „und ich hab gedacht na schön er so gut wie jeder andere und hab ihn mit den Augen gebeten er soll doch nochmal fragen ja und dann hat er mich gefragt ob ich will ja sag ja meine Bergblume und ich hab ihm zuerst die Arme um den Hals gelegt und ihn zu mir niedergezogen daß er meine Brüste fühlen konnte wie sie …
Mollys „Ja“ beschließt den Roman. Ulysses/Odysseus ist nach langer Irrfahrt zu Hause angekommen.

Penelope / Dat Bedd

Wat hett he mi daar nett vertellt halv in ‘t Ohr hebb dat halv blot begrepen is je ok Nacht un in de Nacht sall he slapen de Minsk is so inricht al van Begünn of an un Gott see daar sölen Lüchten wesen an ‘t Hemelstelt un Gott mook de beid groten Lüchten dat grote för de Dag un dat lüttje för de Nacht mörgen froh sall ik Fröhstück maken hett he seggt för hum wenn ik dat recht begrepen anners maakt he dat doch holl an wat löppt d’r verkehrt

dat harr he geern smörgens bi bed & breakfast leet sük dat Fröhstück brengen up de Kamer dee as of he *labeet was so ‘n bietje tominnst doch he harr ‘n Steen in ‘t Bredd bi de olle Weedfrau Rademaker ja so hett se heten de olle Zeeg mugg mi neet lieden ik hör ok neet was je düll up mi un niedsk ik was so slank un mooi un se was blot froom un dat kummt wenn keen Mann tweemaal achter di an kieken deit un daarbi bruken de Mannlüü doch alltied ‘n Frau un wenn se sük blot in d’ Finger sneden hebben un ‘n paar Drüppkes Blood of ‘n bietje verkollen denn gahn se futt dood un anner Dag weer na so ‘n *Flutter

kieken harrijasses nee ok güstern weer stunn he an sien Schrievdisk un harr d’r wiss ‘n Breevke in Arbeid un harr futt dat Bladdje d’r over deckt vanwegen de Doodsanzeig van Diekhoff un dee as harr he Geschäftsangelegenheiden in d’ Kopp so anners heel anners as up Nördernee wenn ‘k daar noch an denk hele Nachten togang u halve Dagen un geern ok an ‘d Strand in de Dünen beter ‘n Strandkörv as so in de Sand dat maakt di nix ut toeerst aver denn schüürt dat daar helpt blot vööl Water un Salv man mooi hett dat west un güstern hebb ‘k mien Pläseer hatt mien Bonno was daar un hett mi verwennt o lecker he kann dat un deit dat so geern gifft Dagen daar denk ik dat is neet up Stee o de Klocken van de Grote Kark de slaan een twee sall dat Klock twee wesen un he unnerwegens de hele Nacht weer mörgen froh will ik mi sien Jack ankieken of he daar noch de Pariser in hett in een van sien 20 Tasken o de Mannlüü willen so slau wesen willen se man de 20 Tasken de langen neet för hör Lögens un ok wenn ‘t de Wahrheid is un he kruppt bi di in ‘t Bedd as ‘n lüttje Jung man Eurynome broch de König un sien Königin hen na ‘t Lager dat se vörbereidt harr un droog de lüchtende Fackel as se bi de Kamer wassen leep se gau weg vull Bliedskupp stegen de Beiden up ‘t Bedde de Leevde o ja

o lecker warm is ‘t in mien Bedd wenn ok Poldi neet daar is oh wenn he doch daar was koom ik beter in Slaap of liggt he daar up mien Foten mien Benen o lecker warm is he bi mi weet noch wo ‘t weer he wull mi hebben wull he mi hebben wull ik nix van hum liggt he wall daar unnern in ‘t Bedd

up mien Foten as uns Hektor froher dat dee ik wull eerstmaal neet lange neet man denn doch hebb ik docht he is hebb ik docht is up Stee anners as dat wat ik upstünns doo wenn he up Padd is bi d’ Arbeid togang un ik laat ‘n Leevhebber komen laat hum in ‘t Huus in de Kamer in ‘t Bedd nee recht is dat neet o mien Leo dat spiet mi hebb ik doch di hebb doch di as mien Mann wullt docht hebb ik jüst so good as elk anner un hebb hum beden mit de Ogen beden he sull doch nochmaal fragen ja un denn hett he mi fraggt of ik will ja segg ik ja mien Botterbloom un ik hebb hum de Arms um sien Hals leggt un hum andaaltrucken na mi daal dat he mien Bosten tofaat kreeg un de Göör kunn he spören un sien Hart sloog as mall un ik hebb ja seggt ja ik will Jaaa!

*labeet: krank *Flutter: Flittchen

Imagefilm

Missingsch-Film

Veranstaltungen

Nie’es

Nach oben