De 22. Februar is Dag vun de Moderspraak. Mit Moderspraak is de Spraak meent, mit de de Minsch anfangt to snacken – egaal, wat he de nu vun sien Moder oder Vader oder Grootöllern hett. Dat is woll so, dat dat achteran keen anner Spraak mehr gifft, in de sik de Minsch so utdrücken kann as in sien Moderspraak. In ehr föhlt he/se sik seker un to Huus. Se is sien spraaklich “Wahnümfeld”. Jüst, wenn de Lüüd öller warrt, kaamt se op ehr Moderspraak trüch. Dorwegen is “Platt in de Pleeg” vundaag en grote Thema. Minschen, de villicht lange Johren meist blots noch Hoochdüütsch snackt hebbt, fangt in’t Öller an un leevt wedder in ehr Kinnertiet. Un dor worr plattdüütsch snackt. In düsse Spraak ok ehr ok an’n besten tofatenkriegen. Öfmals ok denn, wenn dat op Hoochdüütsch al lang nich mehr mööglich is. (Bild: @dsigning)
