An’n 2. un 3. Oktober hebbt se de Fier vunwegen den Daag vun’e düütsche Einheit in Kiel utrichtet – un Nedderdüütsch weer as Regionalspraak tosamen mit de Minnerheitenspraaken Freesch, Däänsch un Romanes (un Vertreders vun de düütsche Minnerheit in Noord-Sleswig) ok dorbi. In jemehr Telt an’n Lanneshuus geef dat de twee Daag bannig veel Bedrief un an’n 3. Oktober worrn denn ok de Plattdüütschquizze knapp, mit de de Lüüd to’n Bispeel jemehr Weten över den Tosamenhang vun Platt un Engelsch testen kunnen oder rutfinnen, dat en Dwarslöper up Hoog en „kleiner Krebs“ is.
Man nich blot Quizze oder Postkoorten kunn en sik bi’n plattdüütschen Stand mitnehmen, man ok eenfach ‘n beten Platt snacken. Mit vun de Partie weren – afsehn vun’t Möllner Nedderdüütschzentrum för Holsteen – ok dat Nedderdüütschzentrum för Sleswig in Leck, dat Lännerzentrum för Nedderdüütsch in Bremen, dat Niederdeutschsekretariat, de Plattdüütsche Raat för Sleswig-Holsteen, de Schleswig-Holsteinische Heimatbund un dat IQSH. So kregen de Besöökers en goden Indruck vun’t plattdüütsche Nettwark in de Noordbunneslänner.
Veel Bedrief an’n plattdüütschen Stand
För’t Nedderdüütschzentrum Holsteen weren dorbi (vun links na rechts): Nikos Saul, Ronja Kilian, Thorsten Börnsen
Thema „Sprachenvielfalt” - Sprakendag in Leck an'n 27. September
„Platt zwischen Punk und Poetry", 19. Oktober in Kiel
