Mekelnborg-Vörpommern un Holsteen grenzt anenanner un in beid Länner warrt Platt snackt. Dorüm gifft dat al länger Kooperatschonen vun dat Zentrum för Nedderdüütsch Holsteen mit Mekelnborg-Vörpommern, Plattbeats to’n Bispeel. Thorsten Börnsen, Baas vun’t Zentrum, is nu to Besöök in Rostock bi den Runnen Disch Plattdüütsch ween. De Heimatverband MV hett de Veranstalten utricht un Projekten un Ideen to’t Thema Nedderdüütsch vörstellt . Bi düsse Ideen un Projekten weer nich blot Plattbeats allgemeen Thema, man dat gung ok üm de Inbinnen vun Plattbeats in de Fritz-Reuter-Festspelen 2021.

Op dat Bild to sehn is Christian Peplow, Leidsmann vun’e Geschäftssteed in Griepswoold vun den Heimatverband Mekelnborg-Vörpommern.