De Turnhall vun de Dörpergemeenschapsschool an’n Struckteich in Zarpen weer proppenvull an’n 19. Juni. Nich blots Öller, Sösters un Bröders un Mitschölers weren kamen. Nee, ok de groten Schauspelers vun de Zapener Plattenspelers kieken sik den Nawuss an.

Speelt woor „De Lütte Prinz“, de as Theaterspeel bearbeidt worrn weer. Utarbeidt hebbt se dat mit en Deel vun de Kinners bi en Theater-Workshop  op den Scheersbarg. De Schauspelers kemen ut verscheden Klassen vun de Modellschool Zarpen.

Dat Plattdüütsch, wat vele vun de jungen Schauspelers snacken, weer richtig goot. Man ok dramaturgische Kniffen harr dat Stück to beden, un bannig veel Spaaß  bi’t Spelen hebbt de Dorstellers mitbröcht. All tohoop weren begeistert. Un dat to Recht.