Dat Zentrum op Besöök bi “De plietschen Plattsnacker” in Rehhorst an’n 4. Dezember

Dat Zentrum op Besöök bi “De plietsche Plattsnacker” in Rehhorst an’n 4. Dezember

Tanja Schiprowski is an de Modellschool in Zarpen Schoolmeistersche för Plattdüütsch. Wieldat vele vun ehr Grundschölers an de wiederföhren Scholen keen Plattdüütschünnerricht mehr harrn, hett se mit jüm online eenfach wiedermaakt mit de Nedderdüütschstünnen. För ehr Projekt “De plietschen Plattsnacker”, bi dat Schölers ut de föffte bet to de söventen Klasse mitmaken doot, hett se 2021 de Utteken “Emmi för Sleswig-Holsteen” in’t Lanneshuus in Kiel kregen. In Rehhorst sünd De plietschen Plattsnackers nu in’t proppenvulle Füerwehrhuus optreden mit en Reeg vun Sketchen un Leders, de se inöövt hebbt. Un de Lüüd weren teemlich begeistert. Ok de Zentrumsleiter weer andaan un hett jümm foorts na Mölln hen inlaadt, dat se dor ok nochmal ehr Programm wiesen schüllt.

Offener Kanal warrt 30 Johr oolt
Plattfunk 17. Folg: Snack mit Daniel Günther, Ministerpräsident vun Sleswig-Holsteen
Nach oben