Mit den pensioneerten Försten Hans-Rathje Reimers güng dat an’n 28. August dörch den Reitzerauer Forst. Jüst as in’t verleden Johr hett he dorbi en Barg to verkloren wusst. Dat de Douglasie ut Noordamerika inwannert is un en bannig dicket Fell hett. Un twors wieldat se in ehr Heimat mit ordig Waldbrännen to doon hett. Ehrdat dat Füer dörch ehr dicke Boork dörchkamen kann, is dat al lang wedder vörbi. Ok hebbt wi to weten kregen, dat Böken bi dat Wetrönnen üm dat Licht de fixesten sünd un wi dorwegen meist blots Bökenholten bi uns hebbt. Man Reimers weet nich blots över Flora un Fauna Bescheed. Ok vun de Hünengräver un Begrävnissen in de Steen- un Bronzetiet wuss he wat to vertellen.
En kottwielig Törn dörch dat Holt, wat dat in sik hett, weer dat. Danke Herr Reimers, un bet tokamen Johr wedder!
