Film över de Arbeit vun’t Zentrum fardig

De Arbeit vun’t Zentrum för Nedderdüütsch in’n Lannesdeel Holsteen warrt in en ni’en Film vörstellt. Bi düsse Arbeit steiht de Kooperatschon mit Gruppen, Verenen un anner Inrichten in’n Middelpunkt, de sik in’n südlichen Deel vun Sleswig-Holsteen mit de Regionalspraak Plattdüütsch befaten doot. Heel wichtig sünd dorbi Plattdüütsch in de School, plattdüütsch Theater un Jugendkultur op Platt.

Wenn een sik den Film ankieken deit, kriggt een en Indruck vun den Plattdüütschünnerricht an de Grundschool Zarpen un kann Maten vun de Nedderdüütsche Böhn Lübeck bi’t Snacken över ehre Schauspeelkunst tohören. Biller vun en Avend mit ni’e plattdüütsche Kultur ut Norddüütschland un vun dat Musikprojekt „Platt Together“ gifft dat ok to sehn.

Op düsse Wies vermittelt de Film ok en beten vun de Veelfalt, de dat plattdüütsche Leven twischen Elv un Noord-Oostsee-Kanal opwiesen kann.

Plattdüütsch Schrievwettbewarv: Een Leed för'n Kring Sebarg
Missingsch - en Film vun't Nedderdüütschzentrum över de Mischspraak twischen Hooch un Platt

Veranstaltungen

Wat gifft‘ Nie’es?

Nach oben