Güstern woor in’n Lichtwarksaal vun de Carl-Töpfer-Stiften in Hamborg mit en lütt Fierstünn Geboortsdag fiert. En Viddeljohrhunnert is düsse Institutschoon nu oolt worrn.
1996 güng dat mit 12.000 Böker, Cds, Platten un Videos loos. Entstahn is düsse Sammeln ut en Bestand, den de Familie Töpfer to’n Deel al mit inbröcht hett. Dorto kemen Schenkungen un Arfschapen. Över de Johren sünd sodennig bet hüüt 20.000 Bökers vun worrn, de een vör Oort in de Peterstraat direktemang lesen man ok utlehn kann.
Dorto kaamt en ganze Reeg Veranstalten, in de Rüüm vun de Bibliothek veranstaltet warrt: Lesen för Kinner un utwussen Lüüd, Workshops un Vördrääg finnen dor statt. Mit den Hein-Köllisch-Saal, de bald fardig is, warrt de Bökerie sogor noch üm een Ruum grötter. Un ok de Arbeit mit digitalen Medien hett de Bökerie in’n Blick.
Blifft een man blots to wünschen: Allens Gode för de tokamen 25 Johr!

Un de Emmi 2021 geiht an
Bämsen-Musikpries geiht an de Tüdelband

Veranstaltungen

Wat gifft‘ Nie’es?

Nach oben