Dr. Hans Thomas Carstensen ut Hamborg höllt en plattdütschen Vördrag över Franz Marc. De is en vun de bedüdendsten Maler vun’n Expressionismus. De Veranstalten kost nix un finnt an’n Dingsdag, 29. März, Klock 7 in’n Ratssal vun’t Rathuus in Ratzborg statt (Unter den Linden 1, 23909 Ratzeburg).

„Ik wahn in in de bayerischen Bargens. Ik heff Rehe in mien Goorn un en groden Hund.“ – So eenfach un unspektakulär hett Franz Marc (1880-1916) mal sien egen Dorsien beschreven. Man achter de Butenkant vun den kommodigen Bayern stickt en unruhigen Geist, de jümmers op de Söök is. Sien kott Leven lang weer he dormit togang un hett nie’e Utdrucksformen in de Kunst söcht. As „Jager op nie’e Sporen“ hett he sik sülvst ankeken. Tohoop mit de Künstlers vun den „Blauen Reiter“ höört Marc dormals mit to de „Wilden vun Düütschland“. Ehr Malerie schull en hardet Gegenbild ween gegen de materialistische Spießigkeit vun dat konservative Börgerdoom.

Als siet Johren stellt Thomas Carstensen mit veel Billers Künstler in Ratzborg vör. He snackt bi düsse Vördrag Plattdüütsch. Utricht’ warrt de Veranstalten vun de Stiftung Herzogtum Lauenburg, de Volkshochschool Ratzborg un dat Nedderdüütschzentrum Holsteen. Anstoten hett de Reeg de Nedderdüütsch-Biraat vun de Stiftung. Anmellen geiht ünner volkshochschule@ratzeburg.de oder Tel. 04541 8000146.

Bild: Franz Marc: Die Bäume zeigten ihre Ringe, die Tiere ihre Adern (https://upload.wikimedia.org/wikipedia/commons/d/dd/Die_B%C3%A4ume_zeigten_ihre_Ringe%2C_die_Tiere_ihre_Adern%2C_1913.jpg).

Nee to'n Krieg!
Plattdüütsch Barcamp in Leck

Veranstaltungen

Wat gifft‘ Nie’es?

Nach oben