De twete Corona-Well hett uns faat kregen un de mehrsten Veranstalten mööt wedder utfallen. Dat dröppt mehr oder minner all Aktören in’n plattdüütsch Beritt. Överall mööt Lesen, Kunzerten, Theateropföhren afseggt warrn. Dormit dat liekers en Forum geven deit för dat plattdüütsche Leven in’n Lannesdeel, startet dat Nedderdüütschzentrum för Holsteen en nie’e Reeg. Ünner „Wi künnt ok anners – Platt ut Holsteen“ warrt wi in lockere Foolg plattdüütsch Institutschonen, enkelte Aktören, Speeldelen un noch en Barg anners mehr vörstellen. Wi wiest düsse lütt Interviews un Berichten op uns Websteed un bi Facebook. Kiekt also jümmers mal wedder to (ünner: www.niederdeutschzentrum.de/wi-kuennt-ok-anners/). Dat lohnt sik!
Den Opslag maakt de Präsident vun’n Sleswig-Holsteenschen Landdag Klaus Schlie.
