Nettwarkdrepen Plattdüütsch, 26. Oktober

Dat Plattdüütschzentrum in Holsteen is 2019 25 Johr oolt worrn un ut düssen Anlass warrt dat an’n 26. Otober in Mölln dat Nettwarkdrepen Plattdüütsch in Holsteen geven. Dat schall dorüm gahn, Lüüd tosamentobringen, de in Holsteen för Plattdüütsch aktiv sünd un sik op ünnerscheedlich Oort för de Spraak insetten doot. De Grundlaag för en Nettwark „Plattdüütsch in Holsteen“ schall entstahn un de Deelnehmers könnt sik tosamen överleggen, wat för Telen un Ideen se för de Plattdüütscharbeit in Holsteen hebbt.

Textbidrääg warrt dat geven vun Arne Lentföhr, Gesa Retzlaff, Thorsten Börnsen un Nikos Saul. LPP143 kumpletert dat Programm musikalisch.

Interesserte sünd hartlich inladen, an’n 26. Oktober Klock Twee to’n Möllner Stadthauptmannshof, Hauptstraße 150  to kamen.

„Platt zwischen Punk und Poetry", 19. Oktober in Kiel
Plattbeats 2020 - Eröffnung mit Klaus-Groth-Betoch
Nach oben