Planungsdrepen Plattbeats an’n 3. August in’t Fritz-Reuter-Literaturmuseum Stavenhagen

Mekelnborg-Vörpommern krempelt de Ärmel hooch un engageert sik noch mehr bi Plattbeats. Mit den Heimatverband MV arbeit wi bi Plattbeats al länger goot tohoop. De Heimatverband föddert Platt op vele Wiesen un is to’n Bispeel ok bi de Organisatschoon vun de Reuterfestepelen oder den Plattdüütschen Bökerdag in Rostock dorbi. Nu is ok dat ansehn Literaturmuseum in Stavenhagen mit vun de Partie. Wi wüllt in Tokunft enger tosamenarbeiden, wenn dat üm plattdüütsche Jugendkultur in’n Noorden gahn schall. Denn för de Stavenhagener Instituschoon is dat nich blots en Verplichten un plegen Wark vun Fritz Reuter. Ok de plattdüütsche Spraak Stütt un Schuul geven, höört to ehr Opgaven.

Op dat Bild to sehn sünd (vun links) Thorsten Börnsen vun’t Nedderdüütschzentrum Holsteen, Christian Peplow, Leidsmann vun’e  Geschäftssteed in Griepswoold vun den Heimatverband Mekelnbörg-Vörpommern, Anna Konstanze Schröder, Geschäftsföhrersche vun den Heimatverband Mekelnbörg-Vörpommern, un Marco Zabel, Direktor vun’t Fritz-Reuter-Literaturmuseum.

Plattfunk 7. Folg: Vun Müüs un Schaap un Minschen – Plattdüütsche Kinnerböker
„Äsop op Platt“-Projekt: Uni Kiel sucht Beiträge für Sprachatlas
Nach oben