Plattdüütsch Barcamp in Leck

An’n Sünnavend, den 9. April, hett sik en plattdüütsche Flaag vun bummelig 40 Lüüd in’t Plattdüütschzentrum för Sleswig in Leck to en  Barcamp drapen. „Barcamp“ is en Idee ut Amerika. Dorbi künnt jeedeen mitmaken. Jeedeen, de en Idee för en Thema hett, kann en Diskussionsrunn dorto anbeden. Und de üm sik sammeln, de dorto Lust hebbt.

Rutkamen is en ganze Reeg Themen. „Plattdüütsch in de Verwalten“ hett sik to’n Bispeel dormit befaat, woans een in de Verwalten mehr Plattdüütsch rinkriegen deit: Dat Schild an de Döör „Mit mi kannst ok Plattdüütsch snacken“ höört dorto. Jüst so as dat al bi de Bewarven un bi de Utwahl vun’t Personal dorop acht warrn schall, dat een ok plattdüütsch snacken kann. Ok hett dat en Workshop geven mit dat Thema „Coaching op Platt“. Wat över ni’e plattdüütsche Musik hett de Leiter vun’t Möllner Zentrum anleit un wat vun den Songcontest „Plattbeats“ vertellt.

Na de Middagspaus worr denn noch Yoga för all anbaden.

Den muskaalschen Afsluss hett de Tüdelband ut Hamborg mit ehr Musik-Höörspeel „AHAB“ maakt.

Üm en Barg Anregen rieker worrn, sünd wi denn wedder vun Leck to Huus fohrt.

Kunstvördrag över Franz Marc an'n 29. März in Ratzborg
En Leed för'n Kring Sebarg - De Gewinner sünd utwählt
Nach oben