Dor weer fix wat loos an’n verleden Sünnavend, den 22.10.22 in de Plattdüütsche Bibliothek in de Hamborger Peterstraat. Bummelig 20 Lüüd ut ganz Noorddüütschland sünd op Inladen vun’t Nedderdüütschzentrum in Holsteen un dat Nedderdüütschsekretariat tohoopkamen un snacken över Plattdüütsch in de Kulturlandschap. Dat Besünnere: De Öllerswoorpunkt leeg jichtenswo twüschen Enn vun de 20er un Midde 30. Un ok de Branchen, in de de Lüüd togang sünd, steken rut: Musiker, Lüüd ut de Medien- un Kulturbranche weren mit vun de Partie jüst so as Medienpädagogen.
Plattdüütsch un junge Musik weer dorbi en wichtigen Aspekt. Dat höört jo to den Songcontest Plattbeats mit dorto. Man besnackt woor ok, woans een de Spraak sichtborer maken kann un wodennig Plattdüütsch ok en prominenteren Platz in de Medien kriegen kann. Heel wichtig weer de Fraag, wat för Mööglichkeiten dat för de Deelnehmers gifft un maken ok in Tokumst wat tosamen. Dat hett de Lüüd gefullen. Dorwegen schall dat in’n November al dat negste Drepen geven. Dütmal över Zoom.
En Dokumentatschoon vun dat Drepen mit Protokoll gifft dat hier: https://www.niederdeutschzentrum.de/wp-content/uploads/2023/03/Thinktank-Protokoll-und-Fotostrecke.pdf
NoordNoordOost - "Hool dat Muul vun Politik" Liederaturavend mit Jochen Wiegandt an'n 30. Oktober in Loonborg
NNO: Hool Dien Muul un sing mit! Jochen Wiegandt in Loonborg to Gast an'n 30.10.
