Hannelore Hinz und Marlou Lessing – Letzte gemeensame Themengedichten

Marlou Lessing (Foto: Andrea Funk)
Marlou Lessing (Foto: Andrea Funk)Hannelore Hinz und Marlou Lessing – Letzte gemeensame Themengedichten
„PLATT FÖR HÜÜT UN MORGEN“, NEDDERDÜÜTSCH AUTORENDREPEN 2021
Hannelore Hinz und Marlou Lessing

Letzte gemeensame Themengedichten

Thema: Drömen

Hanne

Man blot en Drom …
De Nachtigallen fläuten
säut in de Sommernacht,
sei will’n leiw mi gräuten,
hest du dor ok an dacht.
Dat is in mi ein Singen
in all’ dat Sommergrön,
un oewerall’ ein Klingen,
wat is mien Land doch schön.

Refrain:
Mien Leiwster is all kamen
nu in de Sommernacht.
Hett in den’n Arm mi nahmen,
wat hem’m wi küst’ un lacht.
Dat wier in uns ein Klingen
in all’ dat Sommergrön;
mit Nachtigall ehr Singen
is doch de Leiw’ so schön.

De Dag hett wak mi ropen,
nu holl ick dat nich ut;
will in dat Sünnlicht lopen,
smiet all’ mien Sorgen rut.

Refrain:
Mien Leiwster is all kamen
nu in de Sommernacht.
Hett in den’n Arm mi nahmen,
wat hem’m wi küst’ un lacht.
Dat wier in uns ein Klingen
in all’ dat Sommergrön;
mit Nachtigall ehr Singen
is doch de Leiw’ so schön.

Wi wannern oewer Wischen,
un lopen in dat Holt.
De Sommer deh updischen
so riek, dat möckt uns stolt.

Refrain:
Mien Leiwster is all kamen
nu in de Sommernacht.
Hett in den’n Arm mi nahmen,
wat hem’m wi küst’ un lacht.
Dat wier in uns ein Klingen
in all’ dat Sommergrön;
mit Nachtigall ehr Singen
is doch de Leiw’ so schön.

Nach oben