Tohoop mit de Stiften Herzogtum-Lauenburg het dat Nedderdüütschzentrum en literarisch-musikalische Slüsenfohrt organiseert. Tweeenhalv Stünnen lang sünd wi bi düssen Törn över de Möllner Seen un den Elbe-Lübeck-Kanal ünnerwegens west. Wieldes uns de humorige Koptein  Olli Morgenroth in sien Barkass an Holt, gröne Wischen un lütt Hüser vörbischippert hett, geev dat Musik vun Christoph Scheffler. Scheffler is woll de bekannteste musikaalsche Interpret vun Groth-Gedichten. Wo fein so’n Reis mit Schefflers Musik un Groth sien Texten tosamenpassen deit, kunnst op uns Fohrt beleven. Un de Andrang weer gewaltig. De  Töövlist weer so lang, dat een meist harr noch en Fohrt maken kunnt. Villicht maakt wi dat jo in’t tokamen Johr. En Bidrag op Welle Nord hett dat ok noch doröver geven:
https://www.ndr.de/wellenord/sendungen/plattdeutsch/Schleusenfahrt-op-Platt,plattleevt374.html