Mona Heynemann ut Loihne in Westfalen hett en Grupp op WhatsApp för plattdüütsche Spraaknarichten grünnt. Dat schall de Lüüd dorto anregen, Platt to snacken. Mona Heynemann snackt sülvst gern Platt un is blind. Wieldat de digitale Spraakutgaav vun Texten plattdüütsche Texten nich goot wiedergeven kann, se aver liekers mit Lüüd, de Platt snackt, ok ut annere Regionen in Kontakt kamen will, harr Mona Heynemann de Idee för düsse Grupp. Mitmaken könnt all Lüüd, de Lust hebbt, Platt to snacken, egal wat se blind sünd oder nich. Keen Lust hett un maken mit, schall eenfach en Anfraag, wat he oder se de Grupp bitreden kann, an de Nummer 0171 44 88 694 stüern.
