Audio

Hier warrt de Rullen Emily un Paul flietig insnackt

24.11.25

Höörspeelnawass in Heid to Gang

Vun’n 28-30. Oktober hebbt söven Kinner twüschen 10 un 13 Johr in Heid en Höörspeel op Platt produzeert. Ünner Anleiden vun Peter Nissen – Höörspeelautor, Ben Heuer – Medienpädagoog un Marie Sophie Koop – Leidersche vun’t Zentrum för Nedderdüütsch in Holsteen, hebbt de Kinner dat Höörspeel schreven, insnackt un an de Postprodukschoon mitarbeidt. De Kinner harrn vörher meist gor keen Kontakt to de plattdüütsche Spraak. De Verständnis-Kompetenz vun Plattdüütsch is in düssen dree Daag schoolt worrn. An’t Enn harrn de Kinner op plattdüütsche Fragen op Hoochdüütsch antern kunnt. Bi de Warksteed rutsuert, is en Höörspeel över en Aventüer, wat Emily un Paul beleevt. Wat Eerste Hölp un en Fleger, de afstört is, dormit to doon hebbt, is hier natolesen un hören. Premieer hett dat Höörspeel an’n 22. November bi WestküsteFM fiert.

Höörspeel: “Emily un Paul kaamt to laat”