Mölln – An’n 9. Mai 2026 finnt af Klock 10 bi de Stiften Hertogdom Loonborg (Hauptstraße 150, 23879 Mölln) wedder dat bekannte Autorendrepen statt. Ok düt Maal is en buntet Rahmenprogramm plaant un ok de Verkööp vun Böker is mööglich. Ne’e is düt Johr, dat de Apen Kanal Lübeck Medienpartner vun’t Autorendrepen is un de Geschichten optekent warrt. Wi laadt all Autoren un Autorschen ut heel Noordüütschland in, ehr nedderdüütschen Texten vörtodregen. De Texten mööt ahn KI schreven sien. De Vördrag dörv maximal 10 Minuten lang sien. En Thema is nich vörgeven. Anmellen kann sik jeedeen bet to’n 20. Mart. Dorför langt en E-Mail an: niederdeutschesautorentreffen@gmx.de . In de Mail mutt binnen sien:
- de Text, de vördragen warrt, as Textdatei
- de vulle Naam
- de Anschrift
- Telefonnummer
- E-Mail-Adress
- Informatschonen över den Autor oder de Autoorsche för uns Moderaters
- de Angaav, of de Text kostenfree un tietlich unafhängig nütt warrn dörv: dörvt wi den Text op de Internetsieden vun dat Kulturportal www.kulturportal-herzogtum.de un dat Zentrum för Nedderdüütsch verapentlichen UN dörv de Text för’t Radio optekent warrn? Dörvt wi den Mitsnitt later op de Nettsiet vun‘t Zentrum för Nedderdüütsch stellen?
De Tall vun Autoren, de lesen dörvt, is begrenzt. Deelnehmen köst nix, Fohrt- un Reiskosten köönt nich övernahmen warrn. För Besöker is de Intritt free.
PowerPoint-Karaoke op Hooch- un Plattdüütsch
Neewahl vun'n Plattdüütschen Raat Sleswig-Holsteen
