Ünner de Schirmherrschop vun Kreispräsidentin Sabine Mues sünd Lüüd un Institutschonen opropen, sik mit Ideen un Akschonen an en plattdüütsche Wuch to bedeligen. Vun de 3.-11. Oktober 2026 wüllt wi vun Brodersby bet Arpsdörp un vun Bornholt bet Strande ünner dat Motto „Rut mit de Spraak“ wiesen, wat in Rendsborg-Eckernföör op Platt allens geiht!
Wat söökt wi?
Vörslääg för Anbotten, de in de Plattdüütsche Week lopen köönt – dat kann en Vördrag ween, en Föhren, en Veranstalten mit Lesen, Theater un/oder Musik, en Workshop oder ganz wat anners. All Ideen sünd willkamen, de de plattdüütsche Spraak un Kultur in de Middelpunkt stellen.
Wodennig köönt ji mitmaken?
Bidde laadt sik dat Formulor to’n Anmellen daal oder klickt hier för dat Online-Formular un beschrievt dor jemme Anbott. Wi wüllt dat ü.a. in en Programmflyer opnehmen, över de de Akschonen bekanntmaakt warrn schölen. Dat schall dor opstahn:
- Titel vun dat Anbott
- Wann un wo finnt dat statt?
- Wer organiseert dat Anbott?
- Wat kost dat Mitmaken (wenn dat wat kost)?
- Mutt man sik anmellen? Wenn ja, bi wem?
- En korte Beschrieven, wat dor löppt un för wen dat dacht is.
Anmellen inlangen bet 17. Mai 2026
Bidde schickt jemme Vörslääg, wenn jem dat nich online maken möögt, an dat Plattdüütsch Zentrum, Flensburger Str. 18, 25917 Leck / post@platt.best, dat wi all Anbotten tiedig sammeln un för dat Warven för de Plattdüütsche Wuch mitbedenken könen.
Wi freuen uns op en Barg spannende un kreative Ideen!
Hartlich Gröten
ut de Zentren för Nedderdüütsch
in Sleswig un Holsteen
To’n Daalladen: Formulor to’n Anmellen för de Plattdüütsche Week in RD-ECK
Wi bedankt uns för de Stütt vun de Kreiskulturstiften Rendsborg-Eckernföör un de VR-Bank Schleswig-Holsteen Mitte eG
Grafik / Text: Bernd Bednarz / Gesa Retzlaff
