De Lannsverfaten vun Sleswig-Holsteen

De Lannsverfaten vun Sleswig-Holsteen is dat hööchste Gesett vun’t Land. Se is mit en Tweedrüddelmehrheit in’n Landdag beslaten worrn un sall nich blots op’t Papeer stahn, man ok dat polit’sche un kulturelle Leven prägen. Se buut op Minschenrechten op un stött Freden, Gerechtigkeit, Demokratie, Freeheit, Toleranz un Solidarität. En besünner Kennteken is de Schuul un Föddern vun Regional- un Minnerheitenspraken un -kulturen, ok dat Nedderdüütsche. De tweesprakig Utgaav maakt de Verfaten för mehr Minschen togänglich un helpt bi’t Erhollen vun de Spraak.

De Verfaten regelt ok zentrale Opgaven vun’t Land: den Schuul vun nationale Minnerheiden, Inkluschoon, Gliekstellen vun Fruuns- un Mannslüüd, de Rechten vun Kinner un Junglüüd, den Schuul vun Natur un Deerten, dat Schoolwesen, de Föddern vun freesschen un nedderdüütschen Ünnerricht, Kultur, Kunst, Wetenschop un ok den Togang to digitale Deensten, Behörden un Gerichten. Se leggt ok fast, wat de Landdag to doon hett: Gesetten maken, de Regeren kuntrulleren, Wahlperioden regeln un för apen demokraatsche Besluten sorgen.

De Lannsverfaten vun Sleswig-Holsteen op Hooch- un Plattdüütsch

De Europääsche Charta för Regional- oder Minnerheitenspraken
De Europääsche Charta för Regional- oder Minnerheitenspraken is dat europääsche Rahmenwark för den Schuul vun geschichtlich wussen Spraken. Se sekert dat Recht, düsse Sprachen privat un in’t apentliche Leven to bruken, un nimmt de Länner in de Plicht, kunkrete Maatnahmen in Billen, Kultur, Medien, Verwalten, Justiz un sozjaal-weertschopliche Rebeden ümtosetten. De Ümsetten warrt jümmer wedder pröövt, dat Spraakveelfalt ok leevt warrt.

De Europääsche Charta för Regional- oder Minnerheitenspraken

De Handlungsplaan Sprakenpolitik
Mit den Handlungsplaan Sprakenpolitik maakt de Lannsregeren düütlich, dat Spraakveelfalt to de Identität vun Sleswig-Holsteen tohören deit. As Mehrsprakenland stärkt dat Land dat gliekberechtigt Mitenanner vun Hoochdüütsch, Nedderdüütsch, Noordfreesch, Däänsch un Romanes. In’n Middepunkt steiht en dörchgängigen Billensweg vun de Kita bet hen na de Hochschool, dorto kümmt de Bruuk vun de Sprachen in Behörden, Medien un in’t openbare Leven. De Plaan ümfaat kunkrete Maatnahmen, is mit de Spraakgruppen afstimmt un över Ressortgrenzen weg eenstimmig op’n Weg bröcht.

De Handlungsplaan Sprakenpolitik 

De Biraat Nedderdüütsch
De Biraat Nedderdüütsch verbinnt Politik un Plattdüütsch. He kummt een- bis tweemal in’t Johr ünner den Vörsitt vun de Landdagspräsidentin oder den Landdagspräsidententohoop un stellt sik to Anfang vun jeedeen Legislaturperiood nee op. Sien Maal is dat Erhollen un de Pleeg vun’t Nedderdüütsche op en politische Grundlaag.

De Biraat Nedderdüütsch

Artikel vun: Benita Brunnert