Das ganze in Hochdeutsch
Mit Paul und Emma Platt lernen
Arbeitsbücher für den Plattdeutsch-Unterricht in Klasse 3 und 4
Das Arbeitsbuch „Paul und Emma snackt plattdüütsch“ führt Kinder der 3. und 4. Klasse spielerisch an die niederdeutsche Sprache heran. Die bekannten Figuren Paul und Emma begleiten die Schülerinnen und Schüler durch 16 lebensnahe Lektionen, in denen Lesen, Schreiben und Sprechen sinnvoll miteinander verbunden werden.
Das Buch ist Teil eines Schulbuchprojekts der Europa-Universität Flensburg, des Landes Schleswig-Holstein und der Plattdüütsch Stiftung Schleswig-Holstein.
Alltagsnahe Dialoge, kreative Übungen, Lesetexte und vielfältige Sprechanlässe machen Plattdeutsch als lebendige und moderne Sprache erfahrbar. Orthografie und Grammatik orientieren sich am „Neuen Sass“ und lassen sich flexibel an regionale Varianten anpassen.
Das Arbeitsbuch ist über den Buchhandel oder direkt beim Quickborn-Verlag erhältlich.
in de School
Benita Brunnert
Paul un Emma – Lehrwarken för Klass 3-4
Foto: Sabine Riege Blick in “Emma un Paul snackt plattdüütsch” un “Emma un Paul un ehr Frünnen”
Dat Arbeitsbook för den Plattdüütsch-Ünnerricht in de 3. un 4. Klass
Vele Schölers kennt Paul un Emma al. Mit dat ne’e Arbeitsbook „Paul un Emma snackt plattdüütsch“ kriegt de beiden Figuren un ehr Frünnen nu noch mehr Platz, Kinner speelsch an‘t Nedderdüütsche rantoföhren. Lesen, schrieven un snacken höört hier tosamen – lebennig, dicht an’n Alldag un mit Freid an de Spraak. Dat Book is Deel vun en Schoolbook-Projekt, wat vun de Europa-Universität Flensborg, dat Land Sleswig-Holsteen un de Plattdüütsch Stiften Sleswig-Holsteen fördert worrn is.
Plattdüütsch lehren – mitten ut’n Alltag
In 16 Lexen begleidt de Schölers Paul, Emma un jemehr Frünnen ut de Grundschool Lüttstadt dörch ehr schoolsch un privatet Leven. Se stellt jemehr Familjen un Klassenkameraden vör, fiert Festen, arbeidt an Projekten in de School, lehrt Saken över Deerten, Natur un Technik kennen un maakt Utflöög. So beleevt een Platt as en lebennig Spraak, heel dicht an den Alldag vun de Kinner.
In de Lexen finnt een:
- anregende Instiegen un Bildimpulsen
- Dialogen ut’n Alldag
- kreative Övens för Woortschatz un Spraakstrukturen
- Leestexten un Vokabelarbeit
- Vele Mööglichkeiten to’t Snacken
Dörchdacht, praxisnah un flexibel to bruken
Rechtschrieven, Woortschatz un Grammatik richt sik na dat Wöörbook „De niege Sass“ un sien Grammatik dorto. Noordnedderdüütsche Formen köönt in’n Ünnerricht licht gegen regionale Varianten utwesselt warrn. Dat Lehrwark folgt de Prinzipien vun en modernen Frömdspraken-Ünnerricht un wiest Plattdüütsch as Spraak vun en moderne Levenswelt.
Veel Material för jeeden Lex
To jeedeen Lex gifft dat en ganze Reeg vun Materialen:
- en Bildbeschrieven
- Fragen to dat Bild
- en Dialog
- den Dialog as Höördatei to’n Daalladen
- Ideen för Schüleraktivitäten
- en Bild to’t Utmalen
- en Gedicht, Geschicht, en Leed oder en Riemel
- en Vokabellist
Noch mehr Material to’t Öven stellt dat Institut für Qualitätsentwicklung an Schulen Schleswig-Holstein ok online praat.
Bestellen
Dat Arbeitsbook „Paul un Emma snackt Platt“ is över den Bookhannel to kriegen oder direkt bi den Quickborn-Verlag to bestellen.