Woort un Klang – lyrisch-musikaalsche Lesen

Platt is mehr, as blots en Spraak. Platt is Erinnerung. Dat sünd de Geschichten un de Grootöllern, dat is dat Lachen an’n Kökendisch, dat sünd de Wöör, de neeg an’t Hart gaht.
Hier, twüschen Eider un Oostsee, twüschen Hüttener Bargen un Eckernförder Bucht, hett de plattdüütsche Spraak Generatschonen begeleidt. Se hett Trost spennt, Arbeit beschreven,vun Leev vertellt un dat Leven besungen.
Wenn Musik un Spraak sik bemöten, denn gifft dat en besünneren Klang. Denn vertellt nich blots de Melodie en Geschicht, sünnern ok de Wöör. Un beides tosamen maakt dat ut, wat Heimat bedüden kann: nich alleen en Oort, sünnern en Geföhl vun Verbunnenheit.