NEDDERDÜÜTSCH AUTORENDREPEN 2026
Hildegard Dohrendorf
Plattdüütsche Heiku
En Haiku is en kort Gedicht ut Japan. Dat besteiht meist ut dree Reeg’n (drei Zeilen) In en Haiku geiht dat meist üm Natur, Stimmungen oder en lütten Ogenblick in’t Leven. Dat schall mit wenig Wöör veel Geföhl oder en Bild in’n Kopp maken.
Vullmaand
in denn Bach
speegelt still de Winter.
Keen Aven
de Finstern in’ Lokschuppen
vull von Iesbloomen.
Still de Nacht
bloot dat Flegen
vun de Wildgääns.
Afriethuus
de Maand kiekt
dör all de Ritzen.
Appels arnten
de roten Backen
vun dat Enkelkind.
Brägenklötterig
in de blauen Ogen
speegeln welke Bläder.
Harvstwind
in ’n Postkorf vondaag
bloot bunte Bläder.
Bannig kold
in min Teetass
knistert de Klundje.
Ginko het dat Harvstkleed an
en Straatmusiker
mogt sein Fiddel fardig.
Fröhjohrsreinmoken
an de Teppichstang
turnd de Kinner.
Gang in`t Holt
ut dat Astlock
grölt de Kinner.
De Amseln schimmpt
de Naverskinner sit
in den Kirschenboom.