Heid – „De Plattdüütsch Kinner vun Lüttenheid“ mellt sik wedder torüch – düt Maal mit een lütte Mini-Höörspeel-Reeg. De besteiht ut dree Delen, de Mia Rameisel un Jürgen Boe schreven hebbt. „De Kinner harrn veel Spaaß bi de Arbeit mit de Technik vun’n Apen Kanal un hööpt, dat ehr Insatz un dat eerste Stück nu ok bi’t plattdüütsche Publikum goot ankümmt.“, vertellt Projektleider Jürgen Boe, de siet 2012 de Plattdüütsch-AG an de Grundschool Lüttenheid ehrenamtlich leidt. Dat Teel vun de AG is dorbi nich, dat de Kinner perfekt Plattdüütsch snacken un schrieven köönt, se schüllt sik an de Spraak wennen un Höörverständnis entwickeln.
De eerste Deel vun de Reeg „Dackböönoprühmen“ is al in’t verleden Johr opnahmen worrn un warrt nu sennt. Deel twee „Flohmarktmalöör“ un dree „Dat dicke Enn“ sünd ok al fardig schreven. De Opnahmen för düsse Delen staht nu an. Man to allereerst steiht opstünns de Premieer vun Deel een an un dorop freit sik de Kinner düchtig. As in een richtigen Krimi gifft dat Spannen un unvermodens Wennen to beleven. An’n 2. un 4. Juni is de eerste Deel „Dackböönoprühmen“ je üm 16:30 H op UKW 105,2 MHz, DAB+ un in’n Livestream. Achteran is de Deel denn ok in de Mediathek vun’n Apen Kanal to finnen.
Foto: OKWK, (v.l.) Ian Delfs, Mia Rameisel, Katja Stöterau, Lena Wolff un Jürgen Boe. Nich mit dorbi: Konrektorsche Andrea Ruhnke
Das ganze in Hochdeutsch
Plattdeutscher Krimi-Hörspiel-Dreiteiler
Heide – Die Plattdeutsch Kinder von Lüttenheid melden sich zurück. Dieses Mal mit einem Mini-Hörspiel-Dreiteiler, den Mia Rameisel und Jürgen Boe geschrieben haben. Der erste Teil mit dem Titel „Dackböönoprühmen“ (Dachbodenaufräumen) wurde bereits im vorigen Jahr aufgenommen und wird nun gesendet. Auch die Teile 2 („Flohmarktmalöör“) und 3 („Dat dicke Enn“) sind bereits fertig geschrieben, wobei für den zweiten Teil jetzt die Aufnahmen beginnen. Die Zuhörer können sich also auf einen spannenden plattdeutschen Dreiteiler freuen.
WestküsteFM sendet den ersten Teil am 2. und 4. Juni jeweils um 16.30 Uhr auf UKW 105,2 MHz über Antenne, DAB+ und im Livestream. Anschließend ist der Beitrag natürlich auch in der Mediathek nachhörbar.
Programm Niederdeutsches Autorentreffen
