Plattbeats 2020 – Eröffnung mit Klaus-Groth-Betoch

Twee Veranstalten an een Avend, de geef dat an‘n Sünnabend in‘n Roden Salon vun‘e Pumpe in Kiel. Plattbeats 2020, de ni‘e Utgaav vun‘n gröttsten plattdüütschen Songwettbewarf, organisiert vun‘t Nedderdüütschzentrum Holsteen, harr Eröffnung, man togliek weer dat en Avend ut Anlass vun den 200. Gebortsdag vun Klaus Groth. Männich en vun de Musik- oder Wortbidrääg harr denn ok en direkten Betoch to Groth sien Wark – wees dat de Vergliek, den Thorsten Börnsen in siene inföhren Reed anstellt hett twischen dat Spöökgedicht „Dat stœhnt int Moor“ vun Groth un David Lynch sien Film „Lost Highway“, wees dat LPP 143 siene Vertonung vun „De Slacht bi Hemmingsted“ oder Jan Marxsen siene Version vun „Abendfreden“. Ok Nikos Saul lees Slam-Texten vör, de to‘n Deel vun Groth inspireert weren. En musikalischen Rahmen kreeg de Avend dör Leeder vun de „Tüdelband“. Blangenbi: All de Lüüd, de an düssen Avend optreten sünd, weern in de vergangenen Jahren ok bi Plattbeats jichtens dorbi.

Dormit en dat Programm vun düssen Twee-in-Een-Avend ok geneten kann, wenn en nich na Kiel kummen kunn, wöör ok en Video dorvun dreiht, dat dat bald in‘n Internet to sehn gifft.

© för all Billers: Florian Klein

Thorsten Börnsen

LPP 143

Nikos Saul

Jan Marxsen

De Tüdelband

Nettwarkdrepen Plattdüütsch, 26. Oktober
Plattdüütsche Bookmess in Hamborg
Nach oben