12. plattdüütsch Autorendrepen in Mölln an’n 26. Mai
An Sünnavend, den 26. Mai sünd op’n Stadthauptmannshoff in Mölln 30 Schriverslüüd ut ganz Noorddüütschland tohoop kamen. Vun morgens Klock teihn bet avends Klock söss geev dat lütt Geschichten, Riemels, Gedichten un Vertellen in alle mööglichen plattdüütschen Dialekten. Woans een Plattdüütsch ünnerrichten deit in dat nie’e Kompetenzzentrum „Didaktik Niederdeutsch“ in Greifswald kunn en bi den Vördrag vun Ulrike Stern lehren. För Musik hett de Hamborger Tüdelband sorgt. Grootwöör kemen vun den Beopdragten vun den Ministerpräsidenten för de Minnerheitenspraken un Nedderdüütsch Johannes Callsen un den Parlamentspräsidenten vun Sleswig-Holsteen Klaus Schlie.
Foto: Lea Matuschek
