Autorendrepen in Mölln

An’n verleden Sünnavend hett in Mölln dat 16. Autorendrepen stattfunnen.
16 Schrieverslüüd ut ganz Noorddüütschland sünd dorför na Mölln op den Stadthauptmannshoff kamen un hebbt dor leest. Nich blots alle mööglichen plattdüütschen Dialekte weren to hören. Ok heel ünnerscheedlich Slag Texten worrn vördragen. Twüschen Gedichten, Geschichten un Riemels weer allens dorbi. Ok dat Rahmenprogramm harr wat to beden. Mit vun de Partie weren Inge Lorenzen ut Noordfreesland mit ehr Gitarr. De Sängerin is mit ehr egen Leder ünnerwegens, hett aver ok Rock-Evergreens  ut de 60er un 70er Johren in’t Plattdüütsche överdragen. Denn weer Gesche Gloystein an de Reeg. In den Vörmiddagsblock, de för junge Lüüd reserveert is,  hett se ehr Poetry-Slam-Texten vördragen. Un de hebbt dat in sik. Ehr Slam-Texten sünd wiet weg vun’t kommodige plattdüütsche Strohdack, Dor geiht dat üm Flucht un verdrieven warrn, üm Armoot un de Verbinnen twüschen de Minschen överall op de Welt.
Den Vördrag hett Sonja Wolf ut de Staatskanzlei in Kiel hollen. Dorin güng dat üm den Platz, den Plattdüütsch in de Verwalten hett. Un Wokeen dor för wat tostännig is.
An’n Namiddag weren denn de Schrieverslüüd an de Reeg.
Na twee Johr Corona weer dat för all en grote Weddersehn mit veel to vertellen.

„Schölers leest Platt“ - Die Gewinner*innen stehen fest
Sleswig-Holstener-Dag an'n 3. Juli in Molfsee

Veranstaltungen

Wat gifft‘ Nie’es?

Nach oben