Verleden Johr hebbt sik 20 Lüüd in Hamborg up Inladen vun’t Nedderdüütschzentrum Holsteen un dat Nedderdüütschsekretariat drapen un snacken över Platt un de Tokunft vun düsse Spraak. Besünners weer nich blot, dat de Lüüd gröttstendeels twischen Midde 20 un Midde 30 weren, man ok de Branchen, in de se ünnerwegens sünd: Musiker, Lüüd ut de Medien- un Kulturbranche weren mit vun de Partie jüst so as Medienpädagogen.
Groff ümrieten kann een de Themen, över de snackt worrn is, mit Steekwöör as Platt in de Kulturlandschop un dat Sichtborwarrn vun Platt. En nauere Dokumentatschon vun de Ideen, de de Lüüd harrn, finnt sik nu hier: https://www.niederdeutschzentrum.de/wp-content/uploads/2023/03/Thinktank-Protokoll-und-Fotostrecke.pdf
Wi haapt, dat se as Anregen nich blot för de neegsten Drepen denen kann, man ok för de gröttere Diskussion doröver, op welke Wies een Platt ut de kulturelle Niesch ruthalen kann.