Evangeelsche Messe op Platt un plattdüütsche Bökermess an’n 06. November in Hamborg

Bökers un Snacken – de plattdüütsche Bökermess 
En hitte plattdüütsche Harvst is dat in düt Johr. Verleden Wekenenn keem noch de plattdüütsche Bökermess in’n Lichtwarksaal vun de Carl-Töpfer-Stiften in Hamborg dorto. Bummelig 40 Verlage un Institutschonen weren dor vertreden, seggt de Veranstalter. Un an’n Sünndagvörmiddag – as dat jo al Traditschoon is – fiert se de Evangeelsche Mess op Platt in’n Michel.
Bi beides weer dat Zentrum mit vun de Partie. Jüst so wichtig as de Bökers is dorbi dat Drepen vun de Lüüd, vun de een männicheen vunwegen de Corona-Süük al lang nich mehr sehn hett. Uttusch un Bökers sünd sodennig en feine Mischung in’n November bi de Bökermess.