„Groth & Lütt” – 72. Bevensen-Dagfohrt in’n September

To’n 72. Mal finnt in düt Johr de Bevensen-Dagfohrt för nedderdüütsche Schrieverslüüd statt. Dat Motto vun de Veranstalten, de vun’n 20. bit to’n 22. September geiht, is „Groth & Lütt” un maakt so glieks enen Swaarpunkt klor, üm den in düt Johr keen Weg rüm föhrt: den 200. Gebortsdag vun Klaus Groth. Volker Holm un Marianne Ehlers warrt sien Leben un sien Schrieven vörstellen. Man ok aktuelle plattdüütsche Literatur warrt nich to kort kamen, dat warrt Diskussionen geven över Böker vun Bolko Bullerdiek oder Peter Schütt, de Film „Ritter Trenk op Platt” warrt upföhrt, un Texten un Vördräg runnt dat Programm af. Mehr Informatschonen över de Dagfohrt sünd hier to finnen: https://bevensen-tagung.de/72-bevensen-tagung-2019/

(Bild: Museumsinsel-Lüttenheid2004; URl: https://upload.wikimedia.org/wikipedia/commons/c/c8/Ausgabe_des_Quickborn.jpg; CC-BY-SA-4.0)