NEDDERDÜÜTSCH AUTORENDREPEN 2026
Jürgen Müller
An de Ampel
Ik will jo nu mol en Geschicht vertell´n de recht amüsant is – En poor Autofohrer föhr´t op en Ampel to – dor stah´t op de enen Siet en poor Footgänger un op de annern Siet en Grupp Radfohrer – so, dat wärt ok all – ik könn mi tweilachen – bet nu wär dat so.
Jü leeven Minschen un Minschinnen – leeve Lüüd, leeve Lüüdinnen – mien leeves Kind, miene leeve Kindin – leeve Gäst, leeve Gästinnen – in de Grammatik vun us düütsche Sprook „kann man“ rasch en starke maskuline Utrichtung fastmoken – „kann man“ mokt dat jö all miehr at düütlich.
Nu is dat nich so licht – johrhundert ole Sprookgewohnheeten vun hüüt op morgen op en geschlechterneitrale Sprook to verännern – dat gift jo nich bloots männlich un weiblich – ne dat gift ok noch wat dortwischen – hebt man nu rutfunnen – un all´n sall man Recht warn – aver – wenn we nu all mol dorbie sünd en nieges Bewusstsien för us düütsche Sprook antoschuven – denn dörft we Rassismus un Diskrimineerung nich buuten vör laten.
So wiet ik dor över oordelen kann – is dat N-Wort dat best Bispeel vör diskrimmineern – wobi dat in´n Suurland en Negertal gifft – In dütt Negertal gifft dat en Ortschaft Neger – ünnerdeelt in Ober-, Mittel- un Ünnerneger – Nu mol ganz ünner us – wull du in Ünnerneger wahnen – denn doch all leever in Oberneger.
Zigeunerschnitzel dörfst du nich miehr seggen – Jägerschnitzel aver noch – de armen Jäger – de HVV in Hamborg het dan´n Begreep Swattfohrn afschafft – de Kontrull´n aver nich – dat is doch nich konsequent – un Swattarbeiter – egentlich ok nich erlaubt – dat sünd af nu BND-Kräfte – Brutto-Netto-Dienstleestung.
Aver nu trüg to us Ampel – vun amtsweegen is dat beschlaten worn – dat mut nu geschlechterneitral formuleert warn – de Höchdüütschen seggt gendern – de Englänner gendern – op Plattdüütsch weet ik dat nich so recht.
En poor Autofohrer fohr´t op de Ampel to – dat heet nu – en poor Autofohrende fohr´t op de Ampel to –mööt se för de Ampel anhol´n – weil dor Rot is – sünd dat keen Fohrende miehr – dat sünd denn för de Ampel stahende, nich fohrende Autofohrer.
Dor stah´t op de enen Siet en poor Footgänger – richtg heet dat nu – dor stah´t op de enen Siet en poor Tofootgahende – un weil se stah´t – un nich gah´t – sünd dat stahende, nich gahende Tofootgahende.
Op de annern Siet steih´t en Grupp Radfohrer – na, jü weet all wat kummt – dat is ne Grupp Radfohrende – un weil se even stah´t un nich föhr´t mut dat heeten – en Grupp stahende, nich fohrende Radfohrende.
Dat wär doch nu gor nich so swor – nu ward dat aver grön – an us Tofootgahendenampel – ut de stahenden, nich gahenden Tofootgahenden wart wedder ganz normale Tofootgahende – bi de Grupp Radfohrende möt we nu noch ünnerscheeden – twüschen de – de dat Rad över de Tofootgahendenampel schuvt – un de – de dat föhr´t – we hebt also en Grupp schuvende, nicht fohrende Radfohrende un en Grupp Radfohrende – de de Straat an de Tofootgahendenampel passeert – eerst no dat Överqueern vun de Fohrbohn an de Tofootgahendenampel wart ut de Grupp schuvende, nich fohrende Radfohrende un de Grupp Radfohrende eerst wedder en komplett Grupp Radfohrende – also normolerwies – wenn dat dor nich enen Twüschenfall geven har.
En schuvende, nich fohrende Radfohrende is mit enen Tofootgahenden tosomenstött – se sünd beid störkt un hebt sik verletzt – Krankenwagen un Polizei müssen alameert warn – twee BeamtInnen in Peter- un Petrawogen hebt to Protokoll nohmen – en verletzt Footgänger – äh Tofootga.. – un en verletzt Radfohrer – äh Radfohren… dat is all´ns to komplizeert – we hebt ok sülvst nix seh´n.