NEDDERDÜÜTSCH AUTORENDREPEN 2025
Niels Tümmler
Vörjahr warrt
De Sünn schient warm, de Wind geiht lurig
De Blomen dörvt nu opstahn
De Vagels singt, fidel, ni truurig
De Bööm sett Knuppen an
De Immen summt in Bloom un Gras
De Lüüd sitt wedder vör de Dören
De Welt is bunt, mit Gott sien Maß
Sünd so vele Klören
Wat geiht dat Leven doch vöran
De Luft is kloor, Daag sünd weer lang
Bi Deert un Minsch, bi Fruu un Mann
Dat allens klingt as Vörjahrssang
Winter geiht
De Snee is fahl, Nees noch verstoken
De Welt liggt still, doch Tiet, de löppt
Schosteens swatt, sünd noch an roken
Doch dör de Daak de Sünn al dröppt
De Äst weckt still ehr ne’et Leven,
To’n Heben reckt se bald de Knuppen
De Frost will ni de Küll opgeven
Doch Sünn warmt al de Toppen
Ünner de Fööt, dor brickt de Schull
Se smöllt un weet, dat is nu ut
Un Vörjohr höögt sik al as dull
Drifft Minsch un Deert an’t Luft nu rut