Platt – dat Lehrbook

En modern Spraakkurs för wussen Lüüd

Hartmut Arbatzat, Gymnasiallehrer un siet mehr as twintig Johrn Dozent an Volkshoochscholen, hett sien bewährte Unterrichtsmaterialien nu in en Lehrbook tohoopstellt. Rutgeven is dat Book vun dat Institut für Niederdeutsche Sprache un rutkamen in’n Quickborn-Verlag.

„Platt – dat Lehrbook: Ein Sprachkurs für Erwachsene“ (ISBN 978-3876514314) richt sik sünnerlich an Anfängers ahn Vörkenntnissen, is aver ok för Minschen, de al en beten wat köönt bruukbor. Dat kann sülvstännig dörarbeidt warrn oder in Kursen, to’n Bispeel an Volkshoochscholen.

Inholt
Dat Book is in teihn Kapitels opdeelt un deckt Grammatik, Vokabeln un allens, wat man för’t Snacken bruukt, af. Elkeen Kapitel bütt:

• Opgaven un Radels
• Dialogen ut’n Alldag
• Lees- un Singstücken
• Infokästchen to Spraak un Kultur
• en Deel mit Lösens för’t Sülvskuntrulleren

Toletzt gifft dat noch en Wöörlist in’n Anhang. Na jeedeen Kapitel kann een sien Kenntnissen mit en Test överpröven.

Themen ut dat Leven
De Themen sünd dicht an’n Alldag:
Vun’t Begröten un Vörstellen, över Inköpen, Eten un Drinken, bet hen to Sundheit, Dörpsleven oder dat Arbeitsleven. Ok aktuelle Themen, as Strukturwannel in Kommunen oder verscheden Beropen, warrt opgrepen. Dat sall wiesen: Plattdüütsch höört in de Gegenwart un is mehr as blots Heimatromantik.

Arbatzat hett sien Kurs över vele Johrn direkt ut de Praxis rut entwickelt. Em is wichtig, dat de Deelnehmers nich blots lehren, man ok snacken. Dorüm speelt dat Kommunikative en grote Rull: Dialogen, Geschichten un Situatschonen ut’n Alldag maakt dat Lehren lebennig. Ok Leder, Gedichten un lütte Sketchen höört dor mit to – denn Lehren sall ok Spaaß maken.

För wokeen is dat Book maakt?
Dat Lehrbook passt för:

• Anfängers ahn Vörkenntnissen
• Sülvstlehrners
• Kursdeelnehmers an Volkshoochscholen
• Lüüd, de ehr Kenntnissen systemaatsch utboen wüllt

Mit dat Book kann een Pedd bi Pedd sien Spraakkenntnissen verbetern – ok alleen oder tosamen mit anner Lüüd.

Spraak un Dialekt
Dat Lehrwark sett op en eenheitlich Schrievwies, de in heel Noorddüütschland verstahn warrt.

En wichtigen Bidrag för de Spraak
Mit „Platt – dat Lehrbook“ warrt en Lück slaten: Faken fehlt dat an moderne Lehrmaterialien för wussen Lüüd. Dat Book hölpt dorbi de Spraak ok in’n Alldag to bruken un wiedertogeven.

Ein moderner Sprachkurs für Erwachsene

Hartmut Arbatzat, Gymnasiallehrer und langjähriger VHS-Dozent, hat seine bewährten Unterrichtsmaterialien zu einem Lehrbuch gebündelt. Herausgegeben wurde es vom Institut für Niederdeutsche Sprache und veröffentlicht im Quickborn-Verlag.

„Platt – das Lehrbuch: Ein Sprachkurs für Erwachsene“ richtet sich vor allem an Anfänger ohne Vorkenntnisse, eignet sich aber auch für Lernende mit ersten Erfahrungen. Es kann sowohl im Selbststudium als auch in Volkshochschulkursen genutzt werden.

Das Lehrbuch ist in zehn Kapitel gegliedert und vermittelt praxisnah Grammatik, Wortschatz und kommunikative Fähigkeiten. Jedes Kapitel enthält Übungen, Dialoge, Lese- und Singtexte, kulturelle Hintergrundinfos sowie Lösungen zur Selbstkontrolle. Abschließende Tests und eine Wortliste im Anhang unterstützen den Lernerfolg.

Die Inhalte orientieren sich am Alltag – von Begrüßung und Einkaufen bis hin zu Gesundheit, Dorfleben und Beruf. Auch aktuelle Themen werden aufgegriffen und zeigen: Plattdeutsch ist eine lebendige Sprache der Gegenwart.

Ein besonderer Fokus liegt auf dem Sprechen. Dialoge, Geschichten und alltagsnahe Situationen machen das Lernen lebendig, ergänzt durch Lieder, Gedichte und kleine Spielszenen.

Das Lehrbuch eignet sich für Selbstlerner, Kursteilnehmende und alle, die ihre Sprachkenntnisse systematisch aufbauen möchten. Eine einheitliche Schreibweise sorgt dafür, dass die Inhalte in ganz Norddeutschland verständlich sind.

Mit diesem Werk wird eine wichtige Lücke geschlossen: Es bietet modernes, praxisnahes Material, um Plattdeutsch im Alltag anzuwenden und weiterzugeben.