Dat weer en Avend mit ordig Afwesseln, den wi an’n Sünnavend, den 23.10. in dat Kultur- un Kommunikatschoonszentrum “Die Motte” in Hamborg beleven kunnen.
Dor weer eerstmal de Platt-Rapper LPP 143 ut Kiel-Gaarden. 2019 hett he mit sien Song “Dirty Dalers” den drütten Platz maakt bi’t Plattbeats Bandwettstriet in Kiel. Pepe, woans he vun sien Kumpels nöömt warrt, hett extra frische Beats un Texten dorför mitbröcht.
Denn keem Nikos Saul an de Reeg. Un ok he harr ni’e Texten dorbi. De weren heel poetisch un klook. Wi möögt hapen, dat de Münsteraner nu na Corona ok mehr Gelegenheit hebben warrt un präsenteren sien Dichten öffentlich.
De Singersongwritersche NORMA harr den Gitarristen Freddy mit to Hölp bi ehr Optritt. Dorbi hett se ok in de Motte ehr Ode an ehr Heimat-Eiland Föhr op Freesch sungen. De eenzigste, de dat nipp un nau verstahn hett, weer woll ehr Söster. Man genaten hebbt wi ehr all.
Nolde op Platt in Bargteheide
Länderübergreifendes Plattdeutschevent am 05.11.2021 in Lauenburg
