Gisela Schwarz – Bin’n Tähndokter

Gisela SchwarzBin’n Tähndokter
NEDDERDÜÜTSCH AUTORENDREPEN DIGITAL 2020
Gisela Schwarz

Bin’n Tähndokter

En’n Tähndokter brukt man sihr lang in en’n Läben. Giern geiht man dor öwer nich hen, doch wenn en’n Tähnweih plagen, is he nich tau ersetten. Dröpt man up denn Weg dor henn Bekannte, de bedurn’n die, wenn du seggst, du möst nan’n Tähndokter. Dit Problem hew ick in min lang Läben nie nich hatt. Ick harr ümmer Tähndokters, wo ick giern hengahn bün, un ok ümmer vertragen har.

Nun bin ick gaut 12 Johr bi Dr. Kopmann Patient. Dr. Kopman hätt sick sin egen Praxis schafft, und dat müt mit alle moderne Geräte utstaffiert sin, die man hüt so brukt, um siene Patienten gaut behandeln tau können. Sine Utbildung und Erfohrungen hätt Dr. Kopmann in väle Länder makt, de välen Urkunden, de in sien Praxis hängen, tügen dorvon. Sine Patienten betreut he gaut, un giwt gaude Ratschläg, üm lang de egen Tähne tau erholl’n. Ick hew grotet Vertrugen tau em. Dr. Kopmann hört ümmer tau, wenn man mal wat up’n Harten hätt, he lött sick väl Tied vör sine Patienten. Fragt mie mal jemand, na weckern Tähndokter ick gah, den’n segg ick ümmer, na Dr. Kopmann, tau den’n kannst Vertrugen hem. Ok siene Angestellten sünd fründlich, und öwer de välen Johr, de ick dor Patient bün, vertällt man sick ok mal wat öwer persönliches, enen gauden Tauspruch deit ümmer gaut. En lütt Geschicht tauletzt taun Schmunzeln. Ick harr mienen lütten Urenkel taun Tähndokter mütnahmen, he wier 4 Johr alt un dörfte müt in denn Behandlungsrum, un so künn he alles genau beobachten, wat müt Oma passiert.

Ganz genau kickt he tau, wat woll’ müt Oma Gila passiert. Oma müßte ehr Gebiss ruürähmen un dann würd ok bohrt, de Bohrer makte ok noch Krach. De Jung har nu doch en bäten Angst üm sine Oma, de Tränen wüllen kamen, öwer seggt hett he nix. Öwer up den’n Wäg na Hus, wie führten mät de Stratenbahr, dor kem he int Vertellen. ,,Omi, ich kann meine Zähne nicht herausnehmen, die sind ganz fest und Benjamin“, wat sein lütt Brauder wier, „der kann das auch nicht, der hat noch gar keine Zähne.“ De Lüd ringsüm, de dat hürten, mößten lachen un ick ok.

Dat is äben Kinnermund!

Nach oben