Das ganze in Hochdeutsch
Die Stadtbibliothek Husum hat gemeinsam mit der Stiftung “Mien Moderspraak” und dem Plattdüütsch-Zentrum Leck das Modellprojekt „Mien lütte Geschichtenbüdel – Ik höör un lees op Platt“ gestartet.
Ziel des Projekts ist es, Kindern und Familien, in denen wenig oder kein Plattdeutsch gesprochen wird, einen einfachen Zugang zur plattdeutschen Sprache zu ermöglichen. Dafür stehen in der Stadtbibliothek Husum vier Tonieboxen mit plattdeutsch besprochenen Kreativ-Tonies zur Ausleihe bereit. Zu jeder Hörgeschichte gehört ein passendes Bilderbuch, das zweisprachig (Plattdeutsch und Hochdeutsch) gestaltet ist.
Die Tonies enthalten plattdeutsche Geschichten wie „As de Melk suer wöör“ oder „Mammut Hansen leevt nich in’n Zoo“. Drei der Bücher eignen sich bereits für Kinder im Kindergartenalter, ein weiteres für Kinder im Grundschulalter. Die Ausleihe erfolgt im Rahmen der Bibliothek der Dinge.
Die Hörgeschichten wurden ehrenamtlich von Lina Bande und Helge Albrecht vom Norddeutscher Rundfunk eingesprochen.
Über das Plattdüütsch Zentrum Leck können folgende Tonies und Bücher erworben werden: „As de Melk suer wöör“, „Post för di“ und „Ben, de lütte Buur“. Bei Interesse bitte eine Mail an post@platt.best .
för de Lütten
Benita Brunnert
“Mien lütte Geschichtenbüdel“ – Plattdüütsch hören un lesen för Kinner
“Mien lütte Geschichtenbüdel“ – Plattdüütsch hören un lesen för Kinner
De Stadtbibliothek Husum hett tohopen mit de Stiften “Mien Moderspraak“ un dat Plattdüütsch-Zentrum Leck en Projekt an’n Start bröcht: „Mien lütte Geschichtenbüdel – Ik höör un lees op Platt“. Maal vun dat Modellprojekt is, lütte Kinner un jemehr Familjen de plattdüütsche Spraak neger to bringen – sünnerlich denn, wenn tohuus nich oder blots wenig Platt snackt warrt. As Medium köönt hier Tonieboxen insett warrn, denn de höört in veele Familjen al to’n Alldag dorto un maakt dat Hören un Lehren speelsch un eenfach.
Foto: Plattdüütsch-Zentrum Leck
Övergeven vun “Mien lütte Geschichtenbüdel” in de Bökerie in Husum
In de Stadtbibliothek Husum köönt nu veer Tonieboxen mit veer Kreativ-Tonies utlehnt warrn. Op de Kreativ-Tonies sünd plattdüütsche Höörgeschichten op speelt. To jeedeen Geschicht höört en passen Billerbook, wat blangenbi ok ankeken warrn kann, mit dorto. De Texten sünd tweesprakig, so een Platt mit Hoochdüütsch verglieken kann. To de Geschichten höört ünner annern „As de Melk suer wöör“ mit dorto. Dor geiht dat üm Dierk-Buur un sien Koh Rosa, de opmal blots noch sure Melk geven deit – en Radel, wat ok de Fachlüüd nich so licht oplösen köönt. In „Mammut Hansen leevt nich in’n Zoo“ flücht en lütt Mammut ut’n Zoo, üm sülvstbestimmt to leven. In de Familje Hansen lehrt dat Mammut, wat dat heet, sik in en frömde Minschenwelt torechttofinnen – mit Toleranz, Respekt un klore Regeln.
Lina Bande un Helge Albrecht hebbt de Geschichten ehrenamtlich insnackt.
Dree vun de Böker sünd al för Kinner in’t Kinnergoornöller, dat veerte Book is för Kinner in’t Schoolöller. „Mien lütte Geschichtenbüdel“ kann bi de “Bibliothek der Dinge” utlehnt warrn.
Nafolgen Böker un Tonies gifft dat över dat Plattdüütsch-Zentrum Leck to bestellen:
As de Melk suer wöör
vun Jonas Kötz /Hinrich Gerken (Översetter)
Dierk-Buur drinkt jeden Morgen een Glas Melk. De is vun sien Koh Rosa. De gifft op’t hele Eiland Krutsand de beste Melk. Man inst en Dag is de Melk suer. Keeneen kann hölpen: de Vehdokter nich, de Perfesser nich un ok nich Bella Speelvagel, de Spetschalistsche op’t Rebeet Quacksalberee is. Un so beslutt Dierk-Buur, den Grund sülvst to ruttofinnen – ok wenn dat bedüütdt, sien Wecker op halvig een to stellen…
Öllersgrupp: Kinner twüschen 3 un 6 Johr
Tonie un Book: 36,90 €
Post för di
vun Jonas Kötz / Anne Buhrfeind /Hubert Reinecke (Översetter)
Manni arbeidt as Breefdreger op’t lütte Eiland Krutsand. He kennt sien Tour nau: een Maal üm’t Eiland rüm, een Maal krüüz, een Maal dweer un denn noch twee Maal üm dree Ecken. Man inst en Dag lannt een Breef för Hermann Fred bi em. Den Naam hett he op Krutsand noch nie nich höört. Jeedeen, de he op Krutsand fraagt, antert blots: „Kenn ik nich.“ Toletzt lannt he bi Mariechen un de hett een Idee, wohen de Breef schall…
Öllersgrupp: Kinner twüschen 5 un 9 Johr
Tonie un Book: 36,90 €
Ben, de lütte Buur
vun Petra Bredehöft
Ben wasst op en Buernhoff op – man so en richtig echten. Op sien Hoff gifft dat keen Billerbook-Vehtüüch, hier warrt Swien tücht. Ben hett ok sien egen Farken: Quiek un Quak. Bens leefstet Speel is, de Farken to verköpen. Un hüüt will he dat jüst so maken, as sien Papa. De mutt nämlich jümmers Paperen utfüllen. Un so gifft Papa em en Leverschien un nu sitt Ben in sien Siwenstallbüro un füllt de Paperen ut: Wokeen kriggt de Swien? Weren de Swien in de letzten 14 Daag bi’n Doktor? Wat hebbt se in de letzten 14 Daag eten?
Öllersgrupp: Kinner twüschen 3 un 6 Johr
Tonie un Book: 39,90 €
Keen Interess an en lütt Platt-Paket hett, schriev geern en Mail an post@platt.best .