Video vun’n SHB över’t Fehlen vun en plattdüütsch Radioprogramm

De Sleswig-Holsteensche Heimatbund (SHB) hett en Vdeo dreiht, dat op wat hinwiest, dat fehlen deit: en plattdüütsch Radioprogramm. De SHB schrifft dorto:

Funklock stoppen! För en plattdüütsch Radio.

Spreker vun „lesser used languages“ in uns Naverlänner warrt vun en egen Radiokanaal in ehr egen Spraak ünnerholen, informeert un billt. De Plattdüütschen in Düütschland nich. Op düt Lock wiest nu de Sleswig-Holsteensche Heimatbund hen mit en kort Youtube-Video. Heimatbünn un plattdüütsche Rööt ut anner noorddüütsche Bunneslänner ünnerstütt de Saak.