„PLATT FÖR HÜÜT UN MORGEN“, NEDDERDÜÜTSCH AUTORENDREPEN 2022
Willi Janicki
Willi vertellt vun all so’n Hochtieden
Bi uns up’n Dörp würr nich blots düchtig arbeit, ne ok düchtig fiert.
De Hochtieden harrn dat so in sick.
Mit dat Jubelpoor hüt hett datt nix tau kriegen, orrer doch??
Anfangen deit jo allens mit de Gröne Hochtied.
An’n annern Morgen haut se em in de Rippen.
Watt, watt is??
Watt is, watt is, stah up kak Koffie, orrer kanst datt ok nich?!!
Mänichmol hölt so een Heiraten jo ewig, so as man hüt süht.
Silberne Hochtied:
Se wullen tau Bett, as de letzten Gäst nu endlich gahn sünd.
Se: Schatz hest du mi ok all mol bedragen?
He druckst rüm, dat wet ich nich so genau.
Wat schall datt denn heiten?
Wi wörn mol up de NORLA un an anner Morgen harr ick son lütten Lorbeerkranz üm denn Spoßmoker.
Entweder heff ich een Pries gewunnen, orrer de Kumpels hebtt sich een Spoß mokt.
Un du? Naja ich heff jümmers een Ei trüchlecht.
So? ich heff mi all wunnert, öber de drei Eier in de Schuflad as ick watt söcht hefft.
Mann blots dreimol in 25 Johr is jo ok nich all tofähl!!
Un wat ist mit de 75,- DM!?
Du ollen Dussel!!! Ick mütt de Eier jo ok mol verköpen!!!
Golden Hochtied:
Opa wör all nich mehr gaud tau Faud, Oma hörr all nich mehr gaud.
Oma weist watt,
Nee,
tau uns golden Hochtied verreist wie.
Gaud, wohenn?
Na Paris, dör wör ick mol as Monteuer.
Denn wenn wie all de inlodt, de wie inloden möten,
denn freet de uns de Hoor vu’n Kopp, und se bringt noch nichnmol half soveel mit, se eeten un supen daut.
Paris Haupbahnhoff:
Mudder du blifst bi de Koffers;
Ick kiek mol na een Taxifohrrer de Düütsch kann!
Madem Misjöh woher Sie kommen aus Teuschland?
Dicht bei Hamburg.
Direkteman, Nee bei Mölln.
Segg en doch datt wi ut Breitenfelln kamt.
Breiten…?
Breitenfelde!
Ui, ui, ui Breitenfelde!!?? Als junger Fußballäär isch war dort.
Da isch habe den schlechtesten Sex in mein Läben gehabt.
Watt hett he seggt?
Hei kenn di vun fröher!!
