„Jedet Johr warrt dat en beten profeschoneller“, seggt de Leiter vun’t Nedderdüütschzentrum in Holsteen Thorsten Börnsen över dat Drèents Liedties Festival in Emmen. Ok düt Johr funn dat wedder an Himmelfohrt statt. Un ok 2023 weer dat Atlas Theater in de gröttste Stadt vun de Provinz Drenthe goot utfüllt mit Tokiekers un -hörers. Teihn Bands un enkelte Künstlers sünd antreden in den Wettstriet üm dat beste Leed op Drèents. Dat is de nedderdüütsche Dialekt, de in düsse Provinz snackt warrt. Dorbi is de Utwahl för de Jury, to de ok Börnsen höört hett, nich eenfach un heel anners as bi Plattbeats. Denn bi düssen Wettstriet sünd ok öllere Musikers mit vun Partie. Dat gifft dorbi keen Öllersgrenz. Mehrstendeels sünd ok de Musikstile annere: So gifft dat veel Country, Slager un Pop. Dat is bi Plattbeats weniger verbreedt. Wunnen hett de 2000 Euro för den eersten un eenzigen Pries vun de 11. Utgaav vun’t Dreents Liedties Festival Lisa Harms mit den Titel Tot de zun uut giet.
Ankieken kann een sik düt Leed hier (ok wenn dat Video nich vun den Optritt in Emmen is):
(Biller in düssen Bidrag: Stichting REUR)
Plattbeats bi de NDR-Sennen "Von Binnenland un Waterkant"
Niederdeutsches Autorentreffen am 09.07.2023 in Mölln
