Dat Zentrum för Nedderdüütsch hett de Texten över Platt ut Holsteen, de över de verleden twee Johren ünner den Titel „Wi künnt ok anners“ op de Homepage vun’t Zentrum rutkamen sünd, nu in en Broschür sammelt. In de Texten geiht dat üm dat plattdüütsche Leven in de Pandemie un mit wo veel Swung, Leevde un Kreativität sik Lüüd in Holsteen op ünnerscheedliche Wies mit Platt befaat – vun’t Snacken över’t Theaterspelen bit to’t Filmdreihen.
Dorbi geiht dat nich blots üm Lüüd, de all sülvst Plattdüütsch snacken künnt. Nee, wi hebbt ok mit welken snackt, de de Spraak eenfach intressant finnen un sik op heel verscheden Oort un Wies mit ehr beschäftigen doot. Delen vun de Texten sünd dorüm ok op Hoochdüütsch. Dorvun sünd denn Interviews un lütt Reportagen mit un över ganz ünnerscheedlich Lüüd worrn.
Wenn Se de Broschür geern hebben wüllt, nehmt Se eenfach Kontakt op mit dat Zentrum för Nedderdüütsch in Holsteen. Schrievt uns en Mail an info[at]niederdeutschzentrum.de oder ok en Breef an Zentrum für Niederdeutsch in Holstein, Hauptstraße 148a, 23879 Mölln un seggt uns, wo veel Broschüren Se hebben wüllt un wo de hinschüllt. Wi stüert Jüm denn de Broschüren to.
