Nedderdüütsch Autorendrepen 2022 – Programm

An’n 11. Juni warrt ok düt Johr dat nedderdüütsche Autorendrepen in’n Stadthauptmannshof in Mölln stattfinnen. Klock 10 geiht dat Drepen los. In’t Rahmenprogramm gifft dat Musik vun Inge Lorenzen to hören, un Gesche Gloystein warrt en Utwahl vun ehr Slam-Poetry vördragen. Na’t Middageten gifft dat denn an’n Namiddag de Lesungen vun de plattdüütschen Schrieverslüüd. Lesen warrt se in twee Gruppen. Na de Digital-Utgaav vun 2020 un dat Drepen vun 2021, wo de Deelnehmertahl begrenzt weer, freut wi uns nu wedder op en Autorendrepen as dat vör de Pandemie weer.

Keen de Texten in’n Nagang nalesen will, kann dat op de Homepage vun’t Nedderdüütschzentrum Holsteen doon. Dor warrt se hochladt.