Festgoddesdeenst an’n Pingstmaandag, den 6. Juni

De Noordkark warrt teihn Johr oolt un de Leiter vun’t Plattdüütschzentrum in Holsteen hett en Opgaav dorbi. Bi den groten Festgoddesdeenst an’n Pingstmaandag in’n Dom vun Ratzborg warrt he de plattdüütsche Lesen un en Förbeed hollen. Tohoop mit Sprekers vun negen anner Spraken, dorto höört Däänsch, Lettisch, Litauisch un Ukrainsch, leest he den Afsnitt ut de Geschicht vun de Aposteln to Pingsten. To düssen Goddesdeenst reist ordig Prominenz an: All Bischööp vun de Noordkark sünd dorbi. De Predigt höllt de Generalsekretärin vun’n Lutherischen Weltbund Anne Burghardt ut Lettland. En ganze Reeg anner utlännische Gäst sünd ok mi vun de Partie. Schöön, dat Plattdüütsch ok in düssen Rahmen en Rull speelt un sik tohoop mit anner Spraak in de Welt wiesen kann.
De Goddesdeenst is an’n 06. Juni un geiht Klock ölven(11:00 Uhr) in’ Ratzborger Dom loos. De Dom is nu al vull. Man wokeen dat liekers intresseert, för den gifft dat en Överdrägen, en „public viewing“, na buten.

Dat gröne Hart vun Holsteen - Petra Jessen gewinnt Segeberger Liedwettbewerb
Nedderdüütsch Autorendrepen 2022 - Programm
Nach oben