An’n 16. März höllt Dr. Hans Thomas Carstensen ut Hamborg sien Kunstvördrag. Dat hett bi uns jo al en lange Traditschoon. Ännert deit sik aver de Oort. In düt Johr warrt wi em in Mölln op den Stadthauptmannshoff un nich in’t Ratzborger Raathuus hören. Dr. Carstensen vertellt wat över Francisco Goya, an’n 16.03., Klock halvig acht (19:30 Uhr), Hauptstraße 150, 23879 Mölln.
Dat Autorendrepen in Mölln warrt ok in düt Johr wedder op den Stadthauptmannshoff stattfinnen.
Man anners as in de verleden Johren warrt dat düt Johr en Deel vun de Veranstaltungsreeg “Kultursommer am Kanal” ween.
Un later is dat ok. Wi rutscht mit den Termin nu in den Sommer rin. An’n Sünndag, den 09. Juli löppt dat Autorendrepen över den ganzen Dag.
Dat dat Plattbeats-Finale wannert, is jo al Rutine. In düt Johr geiht dat an’n 18. November in’t Logo in Hamborg loos.
