PLATTRADIO söcht wiederhen Lüüd
Jan Graf, Nedderdüütschreferent bi’n Sleswig-Holsteenschen Heimatbund, schrifft:
Leve Lüüd,
de Utschrievens för de Steden in de niege Redakschoon PLATTRADIO bi´n Heimatbund loopt noch wieder. Wi söökt Redaktören un en Redakschoonsassistenz. Ji köönt Ju noch bewarven oder düsse Informatschoon wiederdregen. Ok Lüüd, de villicht as Siedeninstieger in dat Rebeet rinkamen wüllt, schüllt dat man proberen un sik vörstellen. Ik hang de Utschrievens nochmal an. Dor is vun en Frist bet 25. Maimaand de Reed. Dat köönt Ji weglaten. Wi söökt wieder!
Mit PLATTRADIO kümmt wat togang, wat dat noch nich geven hett för Plattdüütschland. Wokeen mit uns Spraak würklich kreativ wat Niegs un Eernsthaftigs opbuen will, de kann sik hier uttoven un finnt en Job, de heel anstännig betahlt warrt. Wi freut uns op Bewarvens. Wenn Fragen sünd, roop man an.
Hartlich Gröten,
Jan Graf
Referent für Niederdeutsch und Friesisch
Stellenausschreibung Redaktionsassistenz Niederdeutsche Medienplattform
Stellenausschreibung Redakteur Niederdeutsche Medienplattform
